តារាស្រី៣រូបលាក់មុខក្រោយផ្ទុះរឿងស្នេហ៍
ភ្នំពេញ: ក្នុងលេខចេញផ្សាយថ្ងៃ១២កញ្ញា២០១១ ទស្សនាវដ្តីអង្គរធំ បានយកតារា៣រូបមករៀបរាប់ថាបានលាក់មុខបន្ទាប់ពីផ្ទុះរឿងស្នេហ៍ ។
តារាទាំង៣រូបនោះគឺៈ វ៉ាន់ សម្ផស្ស, ទាវ មុន្នីរ័ត្ន និងវ៉ាង ស្រីណូ ។
*វ៉ាន់ សម្ផស្សៈ អតីតតារាសម្តែងវ័យក្មេង អាយុ១៩ឆ្នាំ និងជា Preshie លេខ១ ឆ្នាំ២០០៨ បានល្បីឈ្មោះតាមរយៈដើរជាតួឯកទូរទស្សន៍ប៉ុស្តិ៍លេខ៥ រឿង “ចម្រៀងស្នេហ៍រលកជីវិត” និងជាតួឯករឿងភាគទូរទស្សន៍បាយ័ន រឿង “បេះដូងខ្ញុំសម្រាប់អ្នកណា?” ។
វ៉ាន់ សម្ផស្ស បានដកខ្លួនថយពីសិល្បៈនៅឆ្នាំ២០១០ និងមកទល់ពេលនេះនាងមិនដែលទទួលទូរស័ព្ទពីអ្នកកាសែត, ទូរទស្សន៍និងផលិតកម្មផ្សេងៗ ។ ចុងក្រោយគេបានឃើញវ៉ាន់ សម្ផស្ស ដើរលេងកម្សាន្តជាមួយគូស្នេហ៍នៅឆ្នេរសមុទ្រកំពង់សោម ។
*ទាវ មុន្នីរ័ត្នៈ តារាសម្តែងឆើតឆាយល្បីឈ្មោះឆ្នាំ២០០៦-២០០៩ នៅក្នុងរឿងភាគទូរទស្សន៍ CTN រឿង”ទឹកភ្នែកជាយដែន”, “ឧត្តមភរិយា” និងខារ៉ាអូខេផលិតកម្ម Rock។ ក្នុង វ័យ២២ឆ្នាំ ពេលដែលកេរ្តិ៍ឈ្មោះកំពុងល្បីនោះ ត្រូវស្ត្រីជាអាជីវករនៅផ្សាររុងក្លឿ(ផ្សារថៃ) ចោទនាងថាលួចស្នេហាជាមួយប្តីគាត់ ។ តែតារារូបនេះបដិសេធ ហើយក៏ដកខ្លួនពីសិល្បៈនិងគេចវេះពីអ្នកកាសែត ។
*វ៉ាង ស្រីណូ: តារាសម្តែងសិចស៊ី វ៉ាង ស្រីណូខុសពីវ៉ាន់ សម្ផស្សនិងទាវ មុន្នីរ័ត្ន បន្តិច ព្រោះមុននាងសម្រេចចិត្តលាក់មុខនិងផ្តាច់ខ្លួនពីសិល្បៈ នាងបានសារភាពនៅដើមខែមីនា ថាបានជួបប្រុសស្នេហ៍នៅអាមេរិក ហើយចំណងស្នេហ៍នេះមានចាស់ទុំទាំងសងខាងដឹងឮនិងរង់ចាំតែថ្ងៃរៀបការ ប៉ុណ្ណោះ ។
មកដល់ខែកញ្ញានេះមានរយៈពេលជិត៦ខែហើយដែលវ៉ាង ស្រីណូ មិនបង្ហាញមុខដូច វ៉ាន់ សម្ផស្សនិងទាវ មុន្នីរ័ត្នដែរ ៕ For more Info click here.
លទ្ធផលសរុប ផលប៉ះពាល់ ដោយជំនន់ទឹក ទន្លេមេគង្គ ក្នុងខេត្តព្រៃវែង
ព្រៃវែងៈ មន្រ្តីក្រសួងធានធនទឹក និងឧតុនិយម បានឲ្យដឹងថា រយៈពេល៣ ថ្ងៃនេះ ក្នុងខេត្តព្រៃវែង មនុស្ស ចំនួន១៥ នាក់ បានលង់ទឹកស្លាប់ ស្រូវរដូវវស្សាចំនួន៣១៨៧៨ ហិកតា និងផលដំណាំរួមផ្សំ ដ៏ទៃទៀត បានរងផលប៉ះពាល់ដោយជំនន់ទន្លេមេគង្គ។
បើយោងតាម របាយការណ៍ ស្តីពីការចុះ
របាយការណ៍នោះក៏បាន សរុបលទ្ធផលឲ្យផងដែរថា ស្រូវរដូវវស្សាទូទាំងខេត្ត ចំនួន ៣១៨៧៨ ហិកតា បានរងការប៉ះពាល់ ហើយដំណាំដទៃទៀតក៏បានរងផល ប៉ះពាល់
អនុរដ្ឋលេខាធិកា ក្រសួងធនធានទឹក និងឧតុនិយម លោក ហាក់ សុខមករា ក៏បានឲ្យដឹង ផងដែរថា បន្ទាប់ពីមានការចាត់តាំងពីរដ្
លោក ហាក់ សុខមករា ក៏បានឲ្យដឹងទៀតថា ក្នុងនោះក្រុមការងារ បច្ចេកទេស បានសហ ការគ្នាជាមួយអាជ្ញាធរមូលដ្ឋាន ធ្វើការច្រកដីដាក់ប៉ាវធ្វើកា
ជាមួយគ្នានេះផងដែរក្រុមការងា
បើយោងតាម របាយការណ៍ ស្តីពីការចុះ
របាយការណ៍នោះក៏បាន សរុបលទ្ធផលឲ្យផងដែរថា ស្រូវរដូវវស្សាទូទាំងខេត្ត ចំនួន ៣១៨៧៨ ហិកតា បានរងការប៉ះពាល់ ហើយដំណាំដទៃទៀតក៏បានរងផល ប៉ះពាល់
អនុរដ្ឋលេខាធិកា ក្រសួងធនធានទឹក និងឧតុនិយម លោក ហាក់ សុខមករា ក៏បានឲ្យដឹង ផងដែរថា បន្ទាប់ពីមានការចាត់តាំងពីរដ្
លោក ហាក់ សុខមករា ក៏បានឲ្យដឹងទៀតថា ក្នុងនោះក្រុមការងារ បច្ចេកទេស បានសហ ការគ្នាជាមួយអាជ្ញាធរមូលដ្ឋាន ធ្វើការច្រកដីដាក់ប៉ាវធ្វើកា
ជាមួយគ្នានេះផងដែរក្រុមការងា
For more Info click here.
ទឹកជំនន់ខេត្តសៀមរាប សម្លាប់ស្រី្តម្នាក់ និងអ្នកទេសចរ ២នាក់ ត្រូវទឹកហូរគួច នៅប្រាសាទបន្ទាយស្រី
ខេត្តសៀមរាប: រហូតដល់ម៉ោង ៣ និង ៣០ នាទី រសៀលថ្ងៃទី២២ ខែកញ្ញា ឆ្នាំ២០១១ ទឹកជំនន់នៅស្រុកវ៉ារិន្ទ្រ និងស្រុកបន្ទាយស្រី ខេត្តសៀមរាប កំពុងបន្តជន់ឡើងយ៉ាងខ្លាំង រហូតធ្វើឲ្យកំណាត់ផ្លូវជាតិលេខ ៦៧ ពីអន្លង់វែង មកខេត្តសៀមរាប ត្រូវបានទឹកហូរកាត់ផ្តាច់ជាច្រើនកន្លែង។
ទឹកភ្លៀងលិច ផ្លូវជាតិលេខ ៦៧ មានកំពស់ពី ១ម៉ែត្រ ទៅ ១,៣០ ម៉ែត្រ។ ជាមួយគ្នានោះ នៅក្នុងស្រុកបន្ទាយស្រី មានស្ត្រីម្នាក់ ត្រូវបានទឹកគួចហូរ ពីចំណុចស្ពានប្រាសាទបន្ទាយស្រី យកទៅបាត់ ហើយសពត្រូវបានគេ រកឃើញ ស្រង់ចេញពីទឹករួចរាល់ហើយ ។
ដោយភ្ញៀវទេសចរជនជាតិជប៉ុន ម្នាក់ និងមគ្គុទេសក៏ទេសចរណ៍ម្នាក់ ក៏ត្រូវទឹកគួចហូរ ចេញពីចំណុចស្ពានប្រាសាទបន្ទាយស្រី ទៅទើនៅគុម្ពព្រៃមួយកន្លែង ។ តែអ្នកទេសចរ និងមគ្គុទេសក៏ទេសចរណ៍នោះ ត្រូវបានគេជួយសង្គ្រោះបានទាន់ពេលវេលា ។ ក្នុងនោះដែរ ក៏មានភ្លៀវទេសចរបរទេស ប្រមាណជាង ២០០ នាក់ ផ្សេងទៀត ត្រូវបានជាប់នៅក្នុងប្រាសាទបន្ទាយស្រី ដោយសារតែទឹកភ្លៀង ជន់លិចផ្លូវ ។ ប៉ុន្តែត្រូវបានអាជ្ញាធរអប្សារា និងមន្ត្រីមូលដ្ឋាន បានជម្លៀសទៅកាន់ទីទួលសុវត្ថិភាព នៅវត្តប្រាសាទបន្ទាយស្រី ដែលមានទីតាំងនៅក្បែរនោះ។
លោក សៀង ណាំ អ្នកតំណាងរាស្ត្រ មណ្ឌល ខេត្តសៀមរាប បានចុះទៅដល់កន្លែងកើតហេតុ តាំងម៉ោង ១០ ព្រឹក ក្រោយពីទទួលបានបញ្ជា ពីសម្តេច តេជោ ហ៊ុន សែន ក្នុងនោះដែរ ក៏មានលោក ស៊ូ ភិរិន្ទ អភិបាលខេត្តសៀមរាប និងមន្ត្រីជាច្រើនរូបទៀត បានចុះទៅដល់កន្លែង កើតហេតុដែរ ។ លោកសៀង ណាំ ក៏បានទាក់ទង ទៅលោក នាយឧត្តមសេនីយ៍ គន់ គីម ដើម្បីសុំជំនួយបន្ថែម ។
អូប័រ ចំនួន ៣គ្រឿង និងឧទ្ធម្ភាគចក្រចំនួន ៣គ្រឿង ដែលមានការដឹកនាំបញ្ជាផ្ទាល់ ពីលោកនាយឧត្តមសេនីយ៍ គន់ គីម និងលោកនាយឧត្តមសេនីយ៍ ជា តារា កំពុងជួយសង្គ្រោះ និងជម្លៀសប្រជាជន ដែលជាប់គាំងនៅលើដំបូងផ្ទះ លើចុងឈើ និង អ្នកទេសចរ ចេញពីតំបន់រងគ្រោះ ដោយមានការចូលរួមពីកងពលធំអន្តរាគមន៍លេខ២ ដើម្បីនាំយកប្រជាពលរដ្ឋរងគ្រោះ ទៅកាន់ទីទួលសុវត្ថិភាព។
ចំណែកលោកអភិបាលក្រុងសៀមរាប ទេព ប៊ុនឆាយ បានឲ្យដឹងថា ទឹកជំនន់ពេលនេះ អាចនឹងបង្កឲ្យខេត្តសៀមរាប លិចលង់ជាថ្មីម្តងទៀត នៅល្ងាចនេះ ឬក៏នៅថ្ងៃស្អែក ដោយសារ មានភ្លៀងធ្លាក់ច្រើននៅប៉ែកខាងលើ ទើបបណ្តាលឲ្យទឹកជំនន់ អាចកើតឡើងជាថ្មីនៅខេត្តសៀមរាប ដែលជាតំបន់ទេសចរប្រាង្គប្រាសាទបុរាណ ៕ For more Info click here.
ស្ថានភាព កំពស់ ទឹកជំនន់ នៅតាមខេត្ត មួយចំនួន នាថ្ងៃទី ២២ ខែកញ្ញា ( គិតត្រឹមម៉ោង ១៦ និង ០០នាទី )
១- ស្ថានភាពជំនន់ទន្លេមេគង្គ ៖ ការពិនិត្យកម្ពស់ទឹកនៅកម្ពុជានាម៉ោង ១៦ និង០០នាទី នេះឃើញថា ៖
- ខេត្ដស្ទឹងត្រែង ទឹកមានកម្ពស់ ១១,២០ ម៉ែត្រ គឺខ្ពស់ជាងកម្ពស់ទឹកដែលបានពិនិត្យកាលពី ម៉ោង ៧ និង ០០នាទី ព្រឹកចំនួន ០,១៣ ម៉ែត្រ ។
- ខេត្ដក្រចេះ ទឹកមានកម្ពស់ ២២,២៧ ម៉ែត្រ គឺខ្ពស់ជាងកម្ពស់ទឹកដែលបានពិនិត្យកាលពី ម៉ោង ៧ និង ០០នាទី ព្រឹកចំនួន ០,២១ ម៉ែត្រ ។
- ខេត្ដកំពង់ចាម ទឹកមានកម្ពស់ ១៥,៥៥ ម៉ែត្រ គឺខ្ពស់ជាងកម្ពស់ទឹកដែលបានពិនិត្យកាលពី ម៉ោង ៧ និង ០០នាទី ព្រឹកចំនួន ០,០៤ ម៉ែត្រ ។
- ភ្នំពេញ បាសាក់-ចតុមុខ ទឹកមានកម្ពស់ ១០,៣៨ ម៉ែត្រ គឺខ្ពស់ជាងកម្ពស់ទឹកដែលបានពិនិត្យកាល ពីម៉ោង ៧ និង ០០នាទី ព្រឹក ចំនួន ០,០៤ ម៉ែត្រ ។
២- ការព្យាករណ៍ ៖ តាមការព្យាករណ៍ស្ថានភាពទឹកទន្លេមេគង្គគឺ ៖
- ស្ទឹងត្រែង អាចនឹងបន្ដឡើងដល់ថ្ងៃទី ២៤ ខែកញ្ញា នេះ ។
- ខេត្ដក្រចេះ និង ខេត្ដកំពង់ចាម ទឹកនឹងកើនឡើងតិចតួច រយៈពេលតែ ៣ ទៅ ៤ ថ្ងៃទៀត ។
- ភ្នំពេញបាសាក់-ចតុមុខ ៖ ទឹកនឹងបន្ដឡើងរហូតដល់ថ្ងៃទី២៩ ខែកញ្ញា កម្ពស់ទឹកអាច ឡើងដល់ ១០,៧០ ម៉ែត្រ ។
- រីឯនៅទន្លេមេគង្គក្រោម ទន្លេបាសាក់ និងទន្លេសាប ទឹកនៅបន្ដឡើងរហូតដល់ចុងខែកញ្ញា ៕ For more Info click here.
ទាហានថៃ ព្យាយាមចូលធ្វើរបង នៅប្រាសាទតាមាន់ជាថ្មីទៀតហើយ
ព្រំដែនកម្ពុជា-ថៃ: នៅព្រឹកថ្ងៃទី១៣កញ្ញា ឆ្នាំ២០១១ នៅប្រាសាទតាមាន់ បានកើតមានសភាពការណ៍ នាំឲ្យស្ថានការណ៍ព្រំដែននៅខេត្តឧត្តរមានជ័យ ប្រែជាច្របូកច្របល់ ដោយសារតែទាហានថៃ ស្លៀកពាក់ឯកសណ្ឋានប៉ារ៉ា ៥ នាក់ តែក្នុងដៃមិនមានអាវុធ បានព្យាយាម ចូលឈរជើង និងបោះរបងបន្លាលួស នៅប្រាសាទតាមាន់ លើទឹកដីកម្ពុជា។
ក៏ប៉ុន្តែទាហានកម្ពុជា ដែលឈរជើងនៅប្រាសាទតាមាន់ បានឲ្យដឹងថា ការព្យាយាមរបស់ទាហានថៃ ចូលលើទឹកដីកម្ពុជា ពុំអាចធ្វើទៅបានទេដូចការគ្រោងទុកឡើយ។
លោកឧត្តមសេនីយ៍ទោ ប៉ែន វ៉ូយ មេបញ្ជាការកងពលតូចថ្មើរជើងលេខ ៤២ ប្រចាំទិសប្រាសាទតាមាន់ បានឲ្យដឹងថា នៅព្រឹកថ្ងៃ១៣កញ្ញានេះ មានទាហានថៃ ៥ នាក់ ដែលគ្មានកាន់អាវុធបានចូលឈរជើង នៅលើប្រាសាទតាមាន់ ជាមួយទាហានកម្ពុជា ៥ នាក់ដែរ។ ទាហានថៃនោះ បានសុំកម្ពុជាចូលមកបោះរបងនៅខាងមុខផ្លូវចូលប្រាសាទតាមាន់ តែត្រូវកម្ពុជាមិនអនុញ្ញាតទេ។
More Info click here.
ទឹកភ្លៀងប៉ុន្មានថ្ងៃជាប់ៗគ្នា បណ្តាលឲ្យលិចលង់នៅខេត្តមួយចំនួន
ភ្នំពេញ: យ៉ាងហោចណាស់មានខេត្តបាត់ដំបង សៀមរាប ព្រះវិហារ ស្ទឹងត្រែង ក្រចេះ និងកំពង់ធំ បានលិចលង់ ដោយសារទឹកភ្លៀង នៅប៉ុន្មានថ្ងៃនេះ ស្របពេលដែលទឹកទន្លេមេគង្គ នៅពេញប្រៀបមាត់ច្រាំងនៅឡើយ។ ក្នុងនោះគិតមកដល់ថ្ងៃទី១៣កញ្ញា ឆ្នាំ២០១១ ទឹកភ្លៀងនៅតែជន់លិចទីខេត្តទាំង៥នោះ ព្រមទាំងលិចផ្ទះ និងផ្លូវ ដោយកន្លែងខ្លះ មិនអាចធ្វើដំណើរឆ្លងកាត់បានទេ។
នៅទីរួមខេត្តសៀមរាប និងបណ្តាខេត្ត៤ ផ្សេងទៀត បានជន់លិចដោយសារទឹកភ្លៀង ចាប់តាំងពីថ្ងៃទី១១កញ្ញា ឆ្នាំ២០១១។ មកដល់ថ្ងៃទី១៣កញ្ញា ឆ្នាំ២០១១ ទោះបីភ្លៀងបានរាំងវិញហើយក៏ដោយ តែមេឃ នៅតែមានពពកខ្មៅស្រទុំ ខណៈដែលក្រសួងធនធានទឹក បានជូនដំណឹងពីព្យុះភ្លៀងបន្តកើតឡើងនៅប៉ុន្មានថ្ងៃខាងមុខនេះ។
សេចក្តីជូនដំណឹងរបស់ក្រសួងធនធានទឹក និងឧតុនិយម នៅថ្ងៃទី១៣កញ្ញា ឆ្នាំ២០១១ បង្ហាញថា ប្រព័ន្ធសំពាធទាប ដែលបានកើតឡើងតាំងពីថ្ងៃទី៨ ខែកញ្ញា រហូតមកដល់បច្ចុប្បន្ននេះ កំពុងបង្កើនឥទ្ធិពលទៅលើអាងទន្លេមេគង្គលើនៅក្នុងប្រទេសឡាវ និងថៃ។ ជាមួយគ្នានេះ ប្រទេសកម្ពុជា នឹងមានភ្លៀងធ្លាក់ជាបន្តបន្ទាប់ ទាំងអាងទន្លេមេគង្គលើ និងទាំងក្នុងប្រទេសកម្ពុជា ពិសេសតំបន់ភ្នំ ខ្ពង់រាប ភាគខាងជើង និងតំបន់ខ្ពង់ រាបភាគឦសាន។ More Info click here.
កម្ពុជា-អាមេរិក-អូស្ត្រាលី ធ្វើលំហាត់សមយុទ្ធយោធារួមគ្នា ដើម្បីលើកកំពស់សហប្រតិបត្តិការពហុភាគី
ដោយ : CEN (ថ្ងៃទី 12 កញ្ញា 2011,05:34:PM)
សេចក្តីប្រកាសព័ត៌មាន របស់ស្ថានទូតអាមេរិក ចុះថ្ងៃទី១២កញ្ញា ឆ្នាំ២០១១ បង្ហាញថា ទីភ្នាក់ងារស៊ីវិលរបស់រដ្ឋាភិបាលប្រទេសកម្ពុជា អូស្ត្រាលី និង សហរដ្ឋអាមេរិក ស្ថានទូតអាមេរិក និងស្ថានទូតអូស្ត្រាលីនៅក្រុងភ្នំពេញ និងសមាជិកយោធានៃប្រទេស ទាំងបីប្រទេស នឹងចូលរួមក្នុងលំហាត់សមយុទ្ធនេះ។ ចំណាត់វិធីរួមគ្នានេះរបស់រដ្ឋាភិបាល មានបំណងបង្កើត អោយមានបរិយាកាសដែលមានលក្ខណៈត្រឹមត្រូវបំផុត ក្នុងការឆ្លើយតបទៅនឹងស្ថានភាពវិបត្តិនានា ធ្វើអោយភាពជាដៃគូក្នុងផ្នែកសន្តិសុខមានភាពជ្រាលជ្រៅ ហើយរួមចំណែកដល់ស្ថេរភាពតំបន់ ដោយ ទន្ទឹមនឹងនោះ លើកកំពស់ទំនាក់ទំនងទ្វេភាគី។ More detail click here.
ខុទ្ទកាល័យចេញសេចក្តីបំភ្លឺ ការពារសម្តេចក្រុមព្រះ នរោត្តម រណឫទ្ធិ ក្នុងរឿងដីធ្លី នៅសៀមរាប
(ថ្ងៃទី 12 កញ្ញា 2011 , ម៉ោង 09:02:PM)
នាយខុទ្ទកាល័យសម្តេច ក្រុមព្រះ បានចេញសេចក្តីប្រកាសបំភ្លឺមួយ នៅថ្ងៃទី១២កញ្ញា ឆ្នាំ២០១១ ដោយបានការពារសម្តេចក្រុមព្រះ នរោត្តម រណឫទ្ធិ ក្នុងរឿងដីធ្លី នៅខេត្តសៀមរាប។ ដីធ្លីរបស់សម្តេចក្រុមព្រះ ត្រូវបានអាជ្ញាធរខេត្តសៀមរាប បានដកហូត ដោយសំអាងថា ដីរបស់សម្តេចក្រុមព្រះ នរោត្តម រណឫទ្ធិ ស្ថិតនៅក្នុងតំបន់អភិរក្សព្រៃឈើ។
ប៉ូលិសប្រឆាំងការជួញដូរមនុស្ស ឃុំខ្លួនមេបនជនជាតិវៀតណាមម្នាក់ និងអប់រំស្រីបំរើផ្លូវភេទ៤នាក់
(ថ្ងៃទី 11 កញ្ញា 2011 , ម៉ោង 09:13:PM)
ប៉ូលិសប្រឆាំង ការជួញដូរមនុស្សនឹងបញ្ជូនស្ត្រីមេបន ជនជាតិវៀតណាមម្នាក់ ដែលបានធ្វើសញ្ចាកម្មនិងផ្តល់កន្លែងឲ្យធ្វើពេស្យាចារ ប្រគល់ទៅឲ្យអយ្យការអមសាលាដំបូងខេត្តបន្ទាយមានជ័យ ឃុំខ្លួន។ ឯស្រីរកស៊ីភេទ៤នាក់ ក្នុងនោះមានវៀតណាម៣នាក់ និងខ្មែរម្នាក់ និងបុរស៤នាក់ដែលស្វែងរកសេវាកម្សាន្ត នឹងបញ្ជូនទៅអប់រំធ្វើកិច្ចសន្យា បញ្ឈប់របររកស៊ីបំរើផ្លូវភេទនោះ។ For More News click here.
ក្រសួងធនធានទឹក ត្រៀមបញ្ជូនគ្រឿងចក្រ ទប់ទល់ការជន់លិច នៅជាយរាជធានីភ្នំពេញ
ភ្នំពេញ៖ នាយខុទ្ធកាល័យក្រសួងធនធានទឹក លោក ចាន់ យុត្ថា បានថ្លែងឲ្យដឹងនៅយប់ថ្ងៃទី១២ ខែកញ្ញា នេះថា ក្រសួងធនធានទឹក និងឧតុនិយម បន្ទាប់ពីទទួលបទបញ្ជាពីលោករដ្ឋមន្រ្តី លឹម គានហោ នឹងត្រៀមបញ្ជូនគ្រឿងចក្រ ទៅកាន់ទីតាំងមួយចំនួន នៅជាយរាជធានីភ្នំពេញ ដើម្បីទប់ស្កាត់ជំនន់ទឹកភ្លៀង អាចបង្កឡើងនៅប៉ុន្មានថ្ងៃខាងមុខនេះ។
For more news click here.ការលើកឡើងយ៉ាងដូច្នេះ របស់លោក ចាន់ យុត្ថា បន្ទាប់ពីស្ថានភាពឥទ្ធិពល នៃជ្រលងសម្ពាធទាបកំពុងបោកបក់ នៅតាមតំបន់ជួរភ្នំ និងតាមបណ្តាខេត្តនៅមាត់សមុទ្រ នៅបន្តឥទ្ធិពលនៅឡើយ រហូតមកដល់ថ្ងៃទី១២ ខែកញ្ញា នេះ ដូចអ្វី ដែលក្រសួងធនធានទឹក បានចេញសេចក្តីជូនដំណឹងនាពេលថ្មីៗនេះ។
ថ្លែងប្រាប់មជ្ឈមណ្ឌលព័ត៌មានដើមអម្ពិលតាមទូរស័ព្ទ នាយប់ថ្ងៃទី១២ កញ្ញានេះ លោក ចាន់ យុត្ថា បានបញ្ជាក់ថា ក្រសួងត្រៀមបញ្ជូនគ្រឿងចក្រទៅគោលដៅសំខាន់ៗ ដូចជាចំណុចកំពង់ទួល និងគោលដៅផ្សេងទៀត អាចមានការជន់លិច ដោយសារជំនន់ទឹកភ្លៀងមកពីស្ទឹងព្រែកត្នោត និងតំបន់ជួរភ្នំឱរ៉ាល់។
កាលពីព្រឹកថ្ងៃទី១២ ខែកញ្ញា នេះ សម្តេចតេជោ ហ៊ុន សែន បានអំពាវនាវ ឲ្យអាជ្ញាធរពាក់ព័ន្ធទាំងអស់ ត្រូវតាមតានពីស្ថានភាពទឹកជំនន់ នៅតាមបណ្តាខេត្ត ដែលទទួលរងគ្រោះ ជាពិសេសក្រសួងសុខាភិបាល ត្រូវត្រៀមក្រុមគ្រូពេទ្យ ជួយសង្រ្គោះជាបន្ទាន់ ដើម្បីជួយប្រជាពលរដ្ឋ ដែលរងគ្រោះ៕
